Буа редакциясендә “Татмедиа” басмаларын иң күп укучыга бүләк тапшырылды (+фото)

Әминә апа Миңнуллина безнең районда "Татмедиа" җәмгыяте карамагындагы басмаларны иң күп укучыларның берсе. Киләсе ярыеллыкка өч басмадан күбрәк подписка рәсмиләштереп, күптән түгел кызыксындыру призына лаек булды. Бүген коллегабызны редакциягә чакырып, бүләген тапшырдык.

Әминә апа үзе үк "Байрак" газетасы "казанында" кайнаган кеше. Ул 40 елдан күбрәк редакциядә корреспондент булып эшләде. Елның-елында үзе язган газетаның тугры укучысы да булып калды. Әминә апа гомумән, өенә басмалар күп алдыра.

-Киләсе яртыеллыкка өемә тагын "Безнең мирас", "Гаилә һәм мәктәп", "Шәхри Казан", "Байрак" , "Ватаным Татарстан" киләчәк- ди ул.