Буа студентларына – яңа спорт мәйданчыгы

Директор Илдар Гыйниятуллин белдерүенчә, аны ясау идеясы моннан биш ел элек барлыкка килгән.

– Мини футбол һәм волейбол мәйданы турында күптән хыялландык. Физкультура дәресләрен, укудан тыш төрле спорт ярышлары үткәрү өчен студентлар шәһәрнең үзәк стадионына баралар иде. Хәзер рәхәт, үзебездә, чыгалар да уйныйлар, - диде ул.

Мәйданны ясау республика программасы нигезендә гаиәлгә ашырылган, аңа барлыгы 7 миллион сум акча тотылган. Аны райондагы подрядчы оешма – “Стройгарант” эшчеләре ясаганнар. Барлыгы 20*40 метр үлчәмдәге мәйданның территориясен чистартып, тигезләп, кырыен тимер сетка белән тотып алганнар, ә җиргә махсус резина өслек җәйгәннр. Футбол һәм волейбол җиһазлары урнаштырылган. Төзелеш май ахырында башланган, яңа уку елына сафка басты.

– Спорт мәйданчыгы ачык килеш тора. Техникум студентлары гына түгел, ә тирә-юньдә яшәүче яшьләр дә керсеннәр, спорт уеннары оештырсыннар. Без каршы түгел, - диде Илдар Мәҗит улы.

Студентлар үзләре биредә берничә ярыш оештырырга өлгергәннәр дә инде.