Буа суын тикшерделәр. Аның сыйфаты нинди? (+фото)
Моны бүген Татарстан Республикасы фәннәр академиясенең экология проблемалары һәм җир асты байлыкларыннан файдалану институты хезмәткәрләре урынга килеп ачыкладылар.
Бу чара “Татарстан — новый век” - “Татарстан – яңа гасыр” республика иҗтимагый хәрәкәтенең “ЭКОдесант” проекты кысаларында оештырылды. Шәһәрлеләр, күрше-тирә авылларда яшәүчеләр эчә торган суларның сыйфатын химик анализлау нәтиҗәләре аның каты, ягъни суда калций һәм магний тозлары күп булуын күрсәтте. Институт директорының экология өлкәсендә фәнни эш буенча урынбасары Дмитрий Иванов сүзләренә караганда, мондый су сәламәтлеккә зыян салырга мөмкин. Шуңа да аны йомшартырга кирәк. Махсус фильтрлар ярдәмендә. Шулай ук кайнату да йомшартуның гади ысулы булып тора.
Следите за самым важным и интересным в Telegram-каналеТатмедиа
Нет комментариев