Буа урамнарын 11 техника кардан чистартачак

Районда әле беренче кар бертекләре генә очса да, "Буа МППЖКХсы (инженерлык челтәрләре)" җәмгыяте эшчеләре инде техниканы әзерләделәр дә. Баш инженер Илнур Мөстәкыймов белдерүенчә, өстәмә 4-5 данә техника кайтарылырга тиеш. Автопарк тулыланса, хәтта зур кар да куркыныч түгел икән.

-Иң "үзәккә" үткәне - ул шәһәр урамнарындагы тротуарларны чистарту. Бу мәсьәлә буенча сөйләшүләр алып барыла, - диде ул безгә.

Шунысы билгеле: быелгы кыш кар күп яуган көннәрдә чистарту бригадасы өч сменада эшләячәк.