Буа җыр коллективлары милли бәйрәмнәрне бизәделәр

Лаеш районы Никольское авылында уздырылган “Каравон” рус фольклор бәйрәмендә районнан 6 иҗади коллектив катнашты. Алар – “Рябинушка”, “Раздолье”, Эдельвейс”, “Соловушки”, “Ложкари” ансамбльләре, “Вдохновение” бию төркеме. Шулай ук мәдәни үсеш үзәге солисты Алинә Сафина үзенең җырлары белән бәйрәмне бизәгән.

Моннан тыш “Уяв” чуаш фольклор коллективы Ульяновск шәһәрендә узган “Акатуй” бәйрәме сәхнәсенә чакырылды. Биредә буалы коллектив милли гореф-гадәтләрне югалтмыйча саклаганнары, борынгы чуаш җырларын халыкка җиткергәннәре өчен югары бәяләнде, бәйрәмне оештыручылар диплом алдылар.

Шулай ук чуаш фольклор коллективлары Әлши авылында “Микула Уяве” милли район бәйрәме уздырдылар. Анда Әлши, Боерган, Чуаш Киштәге авыллары мәдәният йортларында эшләп килүче җыр-бию осталары катнашты.

Ә “Ләйсән” җыр һәм бию ансамбле солистлары Сабантуйга әзерләнәләр. Алар Сабан эшләре беткәч, татар халкының җиршгә орлык керүенә шатланып, муң уңыш теләп башкарылган җырларын яңгыратачаклар. Шулай ук районның төрле авылларында мәдәният йорты һәм китапханәчеләр “Сөрән сугу”, “Сөлге җыю” кебек милли бәйрәмнәрен үткәрделәр.