Буада авыл хуҗалыгы өлкәсендә иң зур бүләкләргә кемнәр лаек булды? (+фото)

Аларны бүген узган алдынгылар слетында Татарстанның Авыл хуҗалыгы һәм азык-төлек министры Марат Әхмәтов тапшырды. Муниципаль район башлыгы Марат Җаббаров Россия Федерациясе Авыл хуҗалыгы министрлыгының "Россия агропромышленность комплексын үстерүгә керткән өлеше өчен" Алтын медале белән бүләкләнде. "Авангард" агрофирмасы директоры урынбасары Расыйх Яфизов "Россия Федерациясе агропромышленность комплексының мактаулы хезмәткәре" исеменә лаек булды. "Дружба" агрофирмасы директоры урынбасары Радик Гыйсмәтовка Россия Федерациясе авыл хуҗалыгы минстрлыгының, "Коммуна" җәмгыяте механизаторы Фәрит Ибраһимовка Татарстан Республикасы Министрлар Кабинетының Рәхмәт хаты тапшырылды. "Авангард" агрофирмасының сыерларны машина белән саву операторы Сиринә Садыйкова һәм "Дружба" агрофирмасы механизаторы Александр Степанов Татарстан Республикасы Авыл хуҗалыгы һәм азык-төлек министрлыгының Мактау грамотасы белән бүләкләнделәр. Тәбриклибез!