Буада инспекторлар исерек автоледины да “каптырганнар”

Беренчесен – 49 яшьлек йөртүчене инспекторлар Зур Фролово авылында тоткарлаганнар. Авызыннан аракы исе килеп торган, сүзе дә аңлашылмаган ир медицина тикшерүеннән баш тарткан, судка да килмәгән. Икенче 41 яшьлек “хәсрәт” тә судка чакыруга исе китмәгән. Аны шәһәрнең Совет урамында “каптырган” булганнар. Чираттагысында да шул ук хәл. Кыят-Вольнистан-Яшевка юлында “Хендай”да җилдергән 43 яшьлек ир-ат та алдагылары кебек 1,6 елга йөртүче таныклыгыннан мәхрүм ителгән, 30 мең сум штраф түли. Тагын бер исерек йөртүче Казан-Ульяновск трассасында “правасыз” йөргәндә “эләккән”. Соңгысы – автоледи. “Салган” 42 яшьлек ханым Каенлык авылының Мәктәп урамында инспекторларга очраган.