Буада полиция хезмәткәрләре бәйрәм итте (фоторепортаж)

Бүген полицейскийларның бәйрәме, гадәттәгечә, бүлекнең барлык составының үзәк мәйданга тезелеп басуыннан башланды. Аларны муниципаль район башлыгының беренче урынбасары Илдар Еремеев, бүлек начальнигы Айрат Ханбиков котлады. Шулай ук бирегә хезмәт бурычларын үтәгәндә һәлак булган хезмәткәрләрнең туганнары да килгән иде. Алар геройларны искә алдылар, һәйкәлгә чәчәкләр куйдылар. Аннан һавада өч тапкыр залп бирелде. Тантана Ял үзәгендә дәвам итте. Анда хокук сакчыларына котлаулар да, бүләкләүләрне дә күп ирештерделәр, бүлекнең кайбер хезмәткәрләренең погоннарына яңа йолдызлар өстәлде. Чара район һәвәскәрләренең дәртле җырлары белән үрелеп барды.