Буада шәһәр автобуслар сирәк йөри. Сәбәбе нидә?

Кайчакта тукталышта бер сәгатькә якын 40-50 минут автобус көтәргә туры килә. Нишләп автобуслар сирәгәйде? Без бу хакта шәһәрдә пассажирлар ташу буенча шөгыльләнүче Таһир Газизовтан сораштык. Аның белдерүенчә, элек шәһәр буенча өч автобус йөри иде, хәзер бер яки икәү чыга. Сәбәбе – йөртүчеләр җитми. Әгәр дә руль артына утыручылар булса, элеккечә маршрутка өч автобус чыгачак.

Буа районының Ивашев паркына экосукмак ясалды

Әлеге табигать сукмагы буенча беренче булып шәһәрнең М. Вахиов исемендәге гимназия укучылары бардылар. Анда 13 тукталыш, һәрберсе Ивашев паркының тарихын, аның агачлары, үләннәре, тереклеге һәм Зөя елгасы турында мәгълүмат бирә. “Зөя буйлары” заказнигы хезмәткәрләре бу хакта балаларга сөйләделәр.