Буада санитар чистарту икеайлыгы башлана

2026 елның 1 апреленнән 31 маена кадәр шәһәребездә санитар-экологик икеайлык старт ала.

Төп максат – Буаның санитар торышын яхшырту, шәһәребезне чистарак, уңайлырак һәм яшәү өчен куркынычсызрак итү. Җәйге сезонга территорияләрне тәртипкә китерәбез!

Төп датасы - 2026 елның 25 апреле – Гомумшәһәр өмәсе. Барлык шәһәр халкыбызны актив катнашырга чакыралар
Оешмалар һәм халык өчен төп бурычлар булып предприятиеләргә, оешмаларга һәм учреждениеләргә беркетелгән урамнарны (исемлек – түбәндә) төзекләндерү, яшелләндерү һәм чистарту эшләрен башкарырга.

Җитәкчеләргә – үз территорияләрендә өмәләр, чәршәмбе һәм якшәмбе өмәләре оештырырга.

Коммерция күчемсез милке хуҗаларына һәм арендаторларына – ел дәвамында якын-тирә территориядә тәртипне сакларга.

«Буа-Водоканал» АҖ – калдыкларны чыгаруны һәм махсус техниканың өзлексез эшләвен тәэмин итәргә, шул исәптән ял көннәрендә дә.

«Буа ТКХ МПП» АҖ – каты көнкүреш калдыклары полигонында тәртип урнаштырырга, контейнер мәйданчыкларын вакытында чистартырга һәм агачларны, баганаларны агарту өчен известь белән тәэмин итәргә (мәктәпләр, балалар бакчалары, бюджет оешмалары).

Шәһәр урамнарының предприятиеләргә, оешмаларга һәм учреждениеләргә беркетелүен сылтама буенча карарга мөмкин: buinsk.tatarstan.ru/index.htm/...

Уртак йортыбызның чисталыгы һәрберебездән тора. Барыбызны да эшкә актив кушылырга, беркетелгән һәм якын-тирә территорияләрдә чистарту эшләрен башкарырга чакырабыз. Әйдәгез, бергәләп Буаны чиста, яшел һәм уңайлы шәһәр итик!