Буада ветеринарлар  мәче-этләргә  прививка ясыйлар (+фото)

Ветеринария берләшмәсе белгечләре ел саен йорт хайваннарын көзге диагностик тикшерүләр һәм ветеринар-профилактик чаралар вакытында мәче-этләргә дә котыру чиренә каршы прививка ясый. Ветеринарлар август ае башыннан авылларда шәхси хуҗалыкларда булып, 268 маэмайны һәм 305 мәчене котыру чиренә каршы прививкалаштырды. Ветеринарлар  соңгы елларда халыкның әлеге төр йорт хайваннарының да куркынычсыз булуына  аңлап карый башлавын әйтәләр. Ә шәһәрдә яшәүчеләр этләренә-мәчеләренә әлеге прививканы берләшмәгә үзләре килеп ясата алалар.