Буалы лицейлылар нинди уңышка иреште?

Шәһәрнең 2 номерлы лицееның "IT" сыйныфы укучылары "IT-Jump" мәктәп ИТ проектлар республика конкурсында һәрвакыт актив катнашалар һәм уңышка ирешәләр. Быел да призлы урыннар алдылар. Составында Динар Җамалетдинов, Булат Җамалетдинов, Алмас Хәсәнов, Айнур Хәсәнов булган "Sweet Dream" командасы "Saas-сервисларны эшләү" дигән профиль сменада икенче, Мансур Салиховтан, Алмаз Гыймалиевтан, Язнур Садыйковтан һәм Марат Карповтан торган "Музыкаль бот" командасы "Python телендә прграммалаштыру" дигәнендә өченче булдылар. Һәр команда катнашучысы "Байтик" лагерена юлламаны түләү өчен 1-2 мең сумлык сертификат алды. Татарстанның мәгълүмати технологияләр үзәге уку йортына һәм информатика укытучысы Анастасия Мулеевага укучыларны югары дәрәҗәдә әзерләгән өчен рәхмәт белдерде.