Буалы укучылардан кемнәр “Олимпка юл” олимпиадалары призерлары булды? (+ фото)

6-11 сыйныфлар укучылары арасында дүрт фәннән үткәрелгән республика олимпиадаларының төгәлләү этабында буалылар 7 призлы урын яулады. Лицей-интернатның 7 сыйныф укучысы Рәсим Җәләлов һәм 9 сыйныфтан Айсылу Шәйдуллова математика буенча призер булдылар. Рәсим тагын физика, Айсылу химия фәне буенча да иң көчлеләр арасында. Химиядән призлы урынны М. Вахитов исемендәге гимназиянең 11 сыйныф укучысы Эльвина Сәмәрханова да алды. Инглиз телен әйбәт белүчеләр - Түбән Наратбаштан Данис Бикчәнтәев һәм Р. З. Сәгъдиев исемендәге мәктәптән Альбина Әхмәдуллина. Котлыйбыз!