Буалылар, “Мәктәпкә җыенырга булыш!” акциясендә катнашыгыз

Яңа уку елы алдыннан "Мәктәпкә җыенырга булыш!" хәйрия акциясе старт ала. Ул аз тәэмин ителгән, күп балалы гаиләләрдә тәрбияләнүче, инвалид әти-әниләр белән яшәүче, инвалид балаларга мәктәпкә җыенырга ярдәм йөзеннән оештырыла. Киләсе уку елы алдыннан республикада 44 мең бала беренче сыйныфка бара, аларның 9 меңнән күбрәгенә матди ярдәм күрсәтеләчәк. Моннан тыш 2-11 сыйныфларда укучы 10 меңнән күбрәк укучыга булышлык ителәчәк.

Безнең районда уку кирәк-яраклары белән портфельләр 521 балага тапшырылачак. 20сенә - укытучыларның август конференциясендә, 501енә - 1 сентябрь көнне.

фото: Gazetateploe.ru