Буаның Күзби авылы янында җир убылган (+фото)

6 метр тирәнлектәге 8х4 метр үлчәмле җир убылу әлеге авылдан ерак түгел бодай кырында хасил булган. Аны беренче булып шунда комбайнда эшләүче комбайнчы Иршат Ибләминов күреп алган һәм кырда бодай суктыручы башка комбайнчыларны кисәткән. Җир убылу аркасында зыян күрүчеләр юк. Шуннан ерак түгел бүген инде үлән баскан икенче бер шундый урын бар. Бүгенгесеннән зуррак, әмма саерак бу "базның" кайчан һәм ни сәбәпле барлыкка килгәнен белүче юк. Шулай ук яңасының да.