Буаның “Наратлык” һәм “Акчарлак” лагерьлары яңа сезонга әзерләнә (фоторепортаж)

Беренчесендә шикәр заводы эшчеләреннән торган бригада җыештыру, буяу, ремонтлау эшләрен 2 майда ук башлаган. Алдан лагерь территориясеннән 25ләп машина ылыс чикләвекләре, инәләре түккәннәр. Анннан ремонтлау, буяу эшенә күчкәннәр. Иң зур эш ашханә бинасында башкарылган. Шулай ук "Акчарлак" лагеренда да балалар ашый торган бинада төзекләндерү эшләре гөрли. Биредә подрядчы "СтройГрад+" оешмасы эшчеләре түшәмне ясыйлар, электр системасын яңадан көйлиләр. Ике лагерьда да эш бу атна ахырына бетәргә тиеш, дип ышандыра осталар. 5 июньдә беренче сменага балалар киләчәк.