Бүген Буада «Татарча диктант» яздылар. Бөтендөнья татар конгрессының җирле бүлекчәсе әгъзалары да актив кушылды.

Быел унберенче тапкыр "Татарча диктант" дөньякүлэм белем тикшерү акциясе уза. Быел ул бөек шагыйребез Габдулла Тукайның 140 еллыгына багышлана һәм бүгенге көндә Бөтендөнья Татар конгрессының Татарстан Республикасы, Россия Федерациясе һәм чит илләрдә яшәүче милләттәшләребезне берләштерә торган унышлы проектларның берсе булып тора.

"Татарча Диктант " акциясе районыбыз территориясендә дә оешканлык белән узды. Акция мәгариф өлкәсе белән генә чикләнмичә, авыл жирлеклэрендә,  китапханәләрдә, мәдәният өлкәсендә , ижтимагый оешмалар , Бөтендөнья татар конгрессының Буа жирле бүлекчәсе, "Ак Калфак" берләшмәсе, район мәдәният бүлеге, мәгариф идарәсе, үзәкләштерелгэн китапханә  катнашында оештырылды.

Катнашучыларнын эшлэре тикшерелеп билге куелгач, "Татарча  Диктант" акциясендә катнашучыга, Бөтендөнья Татар яшьләр форумы рәисенең рәхмәт хатлары тапшырылды.

“Ак калфак” иҗтимагый җәмгыятенең җирле бүлекчәсе җитәкчесе Нурия Гайнуллова белдерүенчә, диктантның тексты итеп,  Габдулла Тукайның “Бәхет” дип аталган әсәре алынган. Акция таләпләре буенча, иң беренче катнашучылар шагыйрьнең “Туган тел”  шигырен язганнар. Барлыгы 25 кеше катнашкан. Диктант текстын озак еллар Адав-Толымбай авылында татар теле дәресләрен укыткан Сәрия Хәйруллина укыган.