Бүген Татарстанда кар күп яву сәбәпле, күз күреме начарланачак
Бүген, 1 декабрьдә, Татарстанда һава шартлары начарлануы һәм һава температурасы күтәрелүе көтелә. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.
Республикада аязучан болытлы һава торышы көтелә. Төбәктә, шулай ук Казанда җепшек кар явачак. Кар күп яву сәбәпле, күз күреме 1000 метрга һәм аннан азракка начарланырга мөмкин, дип кисәтә синоптиклар.
Моннан тыш, кайбер районнарда буран, бозлавык фаразлана. Иртән кайбер районнарда томан төшә. Җил көньяк-көнчыгыштан, секундына 6-11 метр тизлектә исә, вакыты белән көньяк-көнбатышка таба юнәлеш ала.
Татарстан юлларында бозлавык, кайбер урыннарда, шулай ук Казанда да кар көртләре барлыкка киләчәк. Республика Дәүләт автоинспекциясе йөртүчеләргә начар күз күреме булганда иминлек чараларын искәртте.
Төнге салкыннан соң (төбәкнең көнчыгышында -14 градуска кадәр) Татарстанда көндез һава температурасы 0..-5 градус (Казанда -1..-3 градус) була, ди метеорологлар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев