Быел Буада автомобильче ике җәяүлене бәрдергән, берсе дәваханәдә үлгән. Бүген “Буинск-Информ”да узган туры эфирда район җитәкчелеге аварияләрнең төп сәбәпләрен атады

Буа районында юл хәрәкәте куркынычсызлыгы буенча комиссия рәисе, Буа районының башкарма комитеты җитәкчесе Ленар Шакирҗанов бүген туры эфирда юлларда соңгы биш айлык нәтиҗәләр белән таныштырды. Комиссия рәисе бер үк вакытта райондашларга бәхетсезлек очракларына китергән төп сәбәпләр һәм аларны булдырмый калу юллары турында сөйләде.
Ел башыннан район юлларында кеше сәламәтлегенә зыян килгән биш юл-транспорт вакыйгасы теркәлгән. Аларның ике очрагында җәяүле автомобиль көпчәге астына эләккән. Кызганычка каршы июнь аенда “Тургай” сәүдә үзәге янында төнлә көпчәк астына эләккән ир алган яраларыннан дәваханәдә үлгән. Тагын бер очрак кыш көне Буа электр челтәрләре тирәсендә булган. Аварияләрнең төп сәбәпләре булып  – йөртүчеләрнең һава торышы шартларын исәпкә алмавы, юлны  аркылы чыгу урыннарында җәүлеләргә туктамаулары һәм җәүлеләрнең теләсә кайсы урыннарында кинәт юлны аркылы  чыгу булып тора.