Чиләбе өлкәсендә каза күргән Буа микроавтобусы пассажирлары турында мәгълүматны тәгаенләдек

Сайт укучыларыбыздан гафу үтенәбез, кичә үзебезнең битебездә авариягә эләккән автобус пассажирлары турында бастырып чыгарган мәгълүматыбыз бик үк дөрес булмаган. Алар, чыннан да, яшь спортчылар - Татарстанның бадминтон буенча яшүсмерләр җыелма командасы әгъзалары. Алара арасында Саба, Алексеевск, Югары Ослан, Кайбыч районнары спорт мәктәпләре тәрбияләнүчеләре. Алар Казахстаннан йомгаклау турнирыннан Татарстанга кайтып килгәндә ДТПга очрыйлар. Яшүсмерләр командасының автобуста сәяхәте барлык кагыйдәләрне үтәп гамәлгә ашырылган. Маршрут ЮХИДИ белән килештерелгән. ДТП урыныннан балаларны икенче автобуста якындагы тимер юл станциясенә алып киткәннәр. Аннан алар поездда өйләренә кайтканнар.