Дәүләт Думасында мәктәпләрдә кайнар ризыкның бердәм стандартын кертергә тәкъдим иттеләр

Ул укучы рационындагы ашамлыкларның база исемлеген үз эченә алырга тиеш. Бу хакта «Труд» газетасы яза.

«Известия» басмасы хәбәр иткәнчә, РФ Премьер-министры Михаил Мишустинга шундый тәкъдимне парламентның мәгариф комитеты әгъзалары һәм «Гадел Россия — Дөреслек өчен» партиясенең рәистәше Сергей Миронов юллаган.

«Аерым төбәкләрдә үткәрелгән мониторинглар нәтиҗәсендә кайбер җитешсезлекләр (шул исәптән мәктәптә туклануның бәясе арту җәһәтеннән дә) ачыкланды», — диелә «Известия» газетасы китергән документ текстында.

Инициатива авторлары төбәкләрдә балалар арасында тигез хокуклылыкның үтәлергә тиешлеген искәртте һәм мәктәп укучыларының төрле төркемнәре өчен баланслы туклану принциплары нигезендә ризыклар исемлеген үз эченә алган бердәм федераль стандарт булдырырга тәкъдим итте.