Кабалан авылындагы янгын турында төгәл мәгълүмат һәм фотолар барлыкка килде
111 номерлы янгын сагы-коткару отрядыннан алынган мәгълүматларга караганда, кичә иртәнге якта чыккан янгында биредә 7х5 үлчәмле электрлаштырылган, әмма газлаштырылмаган бүрәнә йортның түбәсе һәм өлешчә диварлары яна. Анда кеше яшәми, дача буларак файдаланылган.
Бәла булган урынга хәбәр алынганнан соң 10 минут эчендә беренче булып “Коммуна” ДПОсы подразделениесе килеп җитә. Бу вакытта йорт ачык ут белән яна торган була, күрше корылмаларга куркыныч янамый. Тагын 10 минуттан аларга Буа янгын сүндерүчеләре кушыла. Тиз арада утны “йөгәнлиләр”. Буа һәм Чүпрәле районнары буенча күзәтчелек эшчәнлеге бүлеге начальнигы Александр Филин сүзләренә караганда, янгын ут белән саксыз итү аркасында килеп чыккан, дип фаразлана.
Следите за самым важным и интересным в Telegram-каналеТатмедиа
Нет комментариев