Казан-Ульяновск трассасына Фролово сәүдәгәрләре яшелчә, җиләк-җимеш саталар (+фото)

Фролово халкының бизнес сезоны җир һәм кыр җиләге өлгергәч башлана. Аннан кура җиләге карлыган, чия, алма, слива, кыяр, помидор, борыч сата башлыйлар. Без юл кырыена туктаганда санап кителгәннәрнең соңгы алты төрен сатарга чыкканнар иде.

-Җир җиләгеннән быел 80 мең сумга якын акча эшләдек. Чиядән 10 мең сумга якын гына. Чиянең 5 литрлы чиләге алдан 500 сумга китте, аннан 200 сумга да бирдек. Конкуренция зур бит. Хәзер слива сатабыз. Чиләге 250 сум тора, - диде исемен әйтергә теләмәгән 35-40 яшьләрдәге хатын.