Казан ветеринария академиясе ректорын кулга алдылар

ТР Эчке эшләр министрлыгы пресс-хезмәтчелегендә Галимҗан Кәбировка карата вазифаи вәкаләтләреннән тиешледән артык файдалану факты буенча җинаять эше кузгалтылу фактын расладылар.
ТР Буенча тикшерү идарәсендә әлегә бу хакта комментарийлар бирмиләр. Вузда исә ректорны тоткарлаулары турында бернәрсә белмәүләрен әйтәләр.
Галимҗан Кәбиров Казан дәүләт ветеринар медицина академиясен 2003 елдан бирле җитәкли. Ул ветеринария фәннәре докторы, профессор, академиянең терлекчелек технологиясе кафедрасы мөдире булып тора.
Мәгълүмат Татар-информнан, фотосы Татпресса сайтыннан алынды.