Кичә Тутайда сарайлар янды (+фото)

Янгын кичке сәгать алты тулганда чыккан. Янгын сүндерүчеләр килеп җиткәндә, 4х11 метр үлчәмле агач сарайны тулысынча ут чолгап алган була, ул аңа терәлеп үк торган йортка да яный. Анысын саклап калалар. Сарай янып бетә. Утның шулай тиз таралуына аны вакытында күрмәү һәм янгын частена соң хәбәр итү сәбәпче. Чөнки йорт хуҗасы Казанда, ә хуҗалыкка күршеләре күз-колак булып тора. Буа һәм Чүпрәле районнары буенча күзәтчелек эшчәнлегенең районара бүлеге инспекторы Айдар Хәйруллин әйтүенчә, ут электр җиһазларын техник эксплуатацияләү кагыйдәләрен бозу аркасында чыккан дип фаразлана.