Мәгариф һәм фән министрлыгы салкын көннәрдә мәктәптә дәресләр үткәрелмәү турында искәртте
Һава температурсы -23..-32 градус тәшкил итсә, Татарстан мәктәпләрендә дәресләр үткәрелмәскә мөмкин. Бу хакта ТР Мәгариф һәм фән министрлыгының матбугат хезмәтендә хәбәр иттеләр.
Әйтик, һава температурасы -23 градус булганда авыл мәктәпләренең башлангыч сыйныфларында, урамда -25 градус булса шәһәр мәктәпләренең башлангыч сыйныфларында һәм авыл мәктәпләренең V-IX сыйныфларында дәресләр булмый.
Моннан тыш, һава температурасы -27 градус булганда шәһәр мәктәпләренең V-IX сыйныфларында, -30 градус булганда авыл мәктәпләренең X-XI сыйныфларында һәм -32 градус булса шәһәр мәктәпләренең X-XI сыйныфларында дәресләр үткәрмәскә рөхсәт ителә.
Һава температурасы -3 градустан түбәнрәк һәм җилнең тизлеге секундына 6-10 метрдан көчлерәк булмаса – башлангыч сыйныфлар, ә температура -10 градустан түбәнрәк һәм җилнең тизлеге секундына 6-10 метрдан көчлерәк булмаса өлкән сыйныф укучылары өчен ачык һавада физкультура дәресләре үткәрергә ярый.
Министрлыкта шулай ук һава температурасы -25 градус һәм аннан түбәнрәк булса мәктәп автобусларында балаларны йөртмәскә һәм муниципалитетлардан читкә чыкмаска киңәш итәләр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев