Рамазан аенда буалылар алып килгән сәдакаларга мохтаҗларга азык-төлек таратыла
Районда Рамазан аенда кешеләрнең бер-берсенә ярдәм итүе – күптәнге традиция.
Быел, коронавирус таралу куркынычы шартларында да, ярдәмләшү киң колач алды. Шәһәрнең 8нче мәчет мәхәлләсе “Рамазан күчтәнәче” акциясе башлап җибәрде. Аның кысаларында мәчет исәбенә сәдака итеп күчерелгән акчага азык-төлек сатып алып, аны мохтаҗ гаиләләргә тараталар.
27 апрельдә буалылар күчергән 9550 сумга 20 гаилгә азык-төлек пакетлары тапшырылды. Шул исәптән гомуми суммасы 6400 сум булган 14 пакетны шәхси эшмәкәр китерде.
Рамазан аенда тапшырылган сәдакаларны шул рәвешле изге ярдәмгә тоту дәвам итәчәк.
Следите за самым важным и интересным в Telegram-каналеТатмедиа
Нет комментариев