Якшәмбе төнлә һәм көндез Татарстан территориясендә томан, шулай ук бераз кар көтелә. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
Төньяк-көнбатыштан искән җил көньяк-көнбатышка күчә. Көндез аның тизлеге көчәйгәндә секундына 12 метрга кадәр җитәргә мөмкин.
Төнлә һава температурасы -7..-12 градус тәшкил итәчәк, аязган вакытта термометрның терекөмеш баганасы -15 градуска кадәр төшәргә мөмкин. Көндез -5..-10 градус салкын булуы көтелә.
Юлларда бозлавык барлыкка килергә мөмкин.
Нет комментариев