Татарстанда яшәүчеләрне программистлар көнендә IT-диктантка чакыралар

Быел ул алтынчы тапкыр үткәрелә. Бу хакта Татарстан Дәүләт идарәсен цифрлы нигездә үстерү, мәгълүмат технологияләре һәм элемтә министрлыгында хәбәр иттеләр.

Диктантта цифрлы компетенцияләр үсешенең сигез юнәлеше буенча 32 сорау, тест биремнәре төрле дәрәҗәдәге катлаулылыкта — компьютер техникасы белән эшләү нигезләреннән алып социаль челтәрләрдә эшләү һәм шәхси мәгълүматларны саклау күнекмәләрен тикшерүгә кадәр була.

Диктант берничә дәрәҗәдән тора, диделәр ведомствода. Шулай итеп, башлангыч мәктәп укучылары өчен (1-4 сыйныф) һәм стандарт тест дәрәҗәсе бар. Теманы белүчеләр өчен «pro версия» дәрәҗәсен узарга тәкъдим ителә.

Теләге булган һәр кеше чакырыла. IT-диктант онлайн-форматта уза. Катнашу өчен сылтама буенча теркәлү узарга кирәк. 2022 елда IT-диктантка 230 меңнән артык катнашучы җыелган.

Тест узучылар үз цифрлы күнекмәләренә объектив бәя ала. Баллар нинди белемнәрне арттырырга кирәклеген аңларга ярдәм итәчәк, диелә хәбәрдә.