Татарстанда коткаручылар елга аша йөзеп чыкканда баткан ир-атны эзли
1 майда Татарстанның Буа районы Әлшәй авылында фаҗига булган. Урманда Зөя елгасы ярында ял итүчеләрнең берсе – 40 яшьлек исерек ир-ат елганы йөзеп чыгарга булган.
Аны танышлары бу уеннан кире кайтара алмаган. Нәтиҗәдә ир-ат берникадәр йөзеп барган да, су астына киткән. Аның иптәшләре коткаручыларны чакырган.
Алар көн дәвамында яр буен тикшергән, ә водолазлар елга төбеннән эзләгән. Эзләү эшләре икенче көнне дә дәвам иткән, коткаручыларга җирле халык та ярдәм иткән, алар көймәләрендә яр буйларын караган.
Әмма ике көндә ир-атны таба алмаганнар. Эшләү эшләре дәвам итә.
Фото: © Россия Гадәттән тыш хәлләр министрлыгының Татарстан буенча Баш идарәсе матбугат хезмәте
«Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр итүләренчә, температура төшү сәбәпле, ир-атны көзән җыерган булырга мөмкин. Кагыйдә буларак, суга батканда кеше ярдәм сорый алмый – шулай ук тавыш чыгару чикләнә. Шулай ук су температурасы да куркыныч тудыра: кеше кояшта җылынгач салкын суга чума икән йөрәк туктарга яки «коры бату» булырга мөмкин.
Россия Гадәттән тыш хәлләр министрлыгының Татарстан буенча Баш идарәсе Татарстанда коену сезоны 1 июньдә генә ачылуы турында кисәтә.
«Җиһазланмаган урында коенган өчен муниципалитетның административ комиссиясе 1-1,5 мең сумга кадәр штраф салырга мөмкин», - диделәр ведомствода.
Бу хакта тулырак: https://tatar-inform.tatar/news/tatarstanda-kotkarucylar-elga-asa-iozep-cykkanda-batkan-ir-atny-ezli-5854043
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев