Татарстанда уылдык чәчү чорында балык тотучыларның эзләренә төшкәннәр
Татарстанда уылдык чәчү чорында балык тотучыларга карата чаралар күреләчәк.
«Уылдык чәчү-2026» комплекслы оператив-профилактик операциясе барышында биоресурслар буенча Татарстан Республикасы Дәүләт комитеты хезмәткәрләре көн саен республика сулыкларында рейд чаралары үткәрә.
Рейд барышында Яшел Үзән районының Исаково авылы янында законсыз балык тотучы тоткарланган.
Шулай ук Спас районында биоресурслар буенча ТР Дәүләт комитеты хезмәткәрләре полиция хезмәткәрләре белән берлектә Актай елгасы буендагы Вожжи авылы янында тыелган тоту кораллары белән балык каптыручының эзенә төшкәннәр. Рейд барышында Татарстан Республикасының Кызыл китабына кертелгән төр балыкны тотулары ачыкланган, бу тагын да зур зыян китерә.
Хәзерге вакытта ике очрак буенча да РФ Җинаять кодексының 256 маддәсе («су биологик ресурсларын законсыз тоту») буенча җинаять эше кузгату мәсьәләсе хәл ителә.
https://vatantat.ru/news/tatarstanda-uyldyk-cacu-corynda-balyk-totucylarnyn-ezlarena-toskannar-114792
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев