Татарстанның иң яхшы имтихан алучы инспекторларның берсе Буада эшли (+фото)

Район ЮХИДИ бүлекчәсенең өлкән лейтенанты Илнур Шәрәфетдинов 2008 елдан бирле юл йөрү куркынычсызлыгы сагында. Ә район бүлекчәсенә ул быел май аенда гына күчкән.

Шуннан бирле курсантлардан юл йөрү кагыйдәләре, йөртү осталыгы буенча имтихан ала. Ә конкурс көнне аңа үзенә имтихан бирергә туры килгән. Ул кагыйдәләр белүдә дә, А, В, С, D категорияләренә йөртү осталыгы буенча да яхшы күрсәткечләргә ия булып өченче урын алган.

Җиңүчеләрне Татарстан ЮХИДИ идарәсе башлыгы Ленар Габдерахманов тәбрикләп кубок, медаль, диплом һәм акчалата бүләк тапшырган.