«Буаның иң яхшы хуҗабикәсе” конкурсы җиңүчесе “Тәмлетамак” кафесында мастер-класс узды (фоторепортаж)

Алдан җиңүче шәһәрдән Екатерина Цыганова конкурста катнашудан алган тәэсирләре белән бүлеште.

-Бу бәйге турында беренче "Буа FM" радиосыннан ишеттем, аннан сайтта да бу хакта укыдым да, фотоларымны җимбәрдем. Иң күп тавышны миңа бирделәр. Рәхмәт барысына да. Мине белгәннәр шалтыратып җиңү белән котладылар, - дип сөйләде ул безгә.

Баксаң, Екатерина үзе дә аш-су өлкәсендәге һөнәр иясе икән. Ул - дипломлы кондитер. Бүген ул "Тәмлетамак" кафесы пешекчесе Гөлфирә Юнысова белән чәк-чәк, ә Фәридә Фәхретдинова белән мантый пешерде.

Аннан өч аш-су остасы үзләре пешергән ризыклар белән бергә утырып чәй эчтеләр. Екатеринага бу конкурста катнашкан рәхмәтебезне белдерәбез.

Шулай иң тәмле ризыклар пешерүче "Тәмлетамак" кафесы хуҗабикәсе Фирдания Фәттаховага дә рәхмәтебез зур. Әйтергә онытып торабыз ул безнең җиңүчене эшкә дә чакырды.

"Тәмлетамак"та туйлар, юбилейлар, кичәләр уздырасыгыз килсә, рәхим итегез!

Телефон: 89093098555.