Якташыбыз Ринат Рахматуллин әнисенең әманәтен ничек үтәвен сөйләде
Популяр җырчы, автор, якташыбыз Ринат Рахматуллин соңгы вакытта үзенең туып-үскән Түбән Наратбаш авылындагы йортына евроремонт ясату белән мәшгуль.
Бу хакта социаль челтәрләр аша хатыны Динара хәбәр итте. Видеодан күренгәнчә, авыл өенең эчке ягы танымаслык булып үзгәргән. Анда бүлмәләрне яңача ясаганнар, обойлар ябыштырганнар, тарттырылган түбәләр куйганнар. Динара үзенең подписчикларыннан нинди пәрдә куйыйк икән, диеп киңәш сорый. Без моны күреп, якташыбыз Ринат Рахматуллинның үзе белән элемтәгә чыктык.
– Әйе, без минем туган йортыма ремонт ясыйбыз. Мәрхүм әнинең әманәте шундый иде: ул бервакытта да нигезне туздырырга, ташларга кушмады. Без үзебез Казанда яшәсәк тә, гел Түбән Наратбашка кайтып йөрибез, кышын газ янып тора. Кыскасы, мәрхүм әни риза булып ятсын, аның әманәтен үтим, - диде җырчы.
Ринат Рахматуллин туган авылына елга бер бушлай концерт куеп китә. Туган якны онытырга ярамый, дигән фикердә ул.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев