Иң көчле чаңгычыларны салкын куркытмады (фоторепортаж)

СССРның спорт остасы Сабирҗан Нәфыйков истәлегенә багышланган традицион чаңгы ярышлары февральнең иң суык көннәренең берсендә Наратлык урманында узды. Анда катнашкан иң көчлеләр 5 һәм 10 километрга узыштылар. Җитезлекләрен Казаннан һәм Тәтештән килгән спортчылар да сынады. Безнекеләрдән төрле яшь категорияләрендә пьедесталга 5 километрлы дистанциядә Югары Лашчыдан Светлана Сайкина, Елизавета Казначеева, Буадан Виолетта Кириллова, Ләйсән Гайнетдинова, Елена Батина, Адав-Толымбайдан Әлфия Җаббарова, 5 номерлы гимназия укытучысы Татьяна Иванова, Николай Ишуков һәм 10 километрлы дистанциядә Сергей Батин күтәрелделәр. Җиңүчеләргә танылгын якташыбызның улы Айдар 3 мең сум, 2 мең сум һәм 1 мең сум күләмендә акчалата призлар, истәлекле бүләкләр тапшырды.