Татарстан сөт җитештерү күләмен арттырган төбәкләр исемлегенә кергән
Гыйнвар - ноябрь айларында республиканың авыл хуҗалыгы оешмаларында тулаем сөт савымы 1 миллион 48,5 мең тонна тәшкил иткән.
Татарстан Россиянең сөт җитештерүне арттыруга ирешкән алты төбәге исемлегенә кергән. Бу хакта «Татар-информ» агентлыгына Татарстан Авыл хуҗалыгы һәм азык-төлек минстрлыгында хәбәр иттеләр.
Агымдагы елның гыйнвар - ноябрь айларында республиканың авыл хуҗалыгы оешмаларында тулаем сөт савымы 1 миллион 48,5 мең тонна тәшкил иткән.
«Бу узган елның шул чорына караганда, 26,1 мең тоннага күбрәк. Республика авыл хуҗалыгы оешмаларында сөт җитештерү күләме 2,6 процент тәшкил иткән», – дип сөйләде Татарстан авыл хуҗалыгы һәм азык-төлек министры урынбасары Нәҗип Хаҗипов.
28 декабргә булган мәгълүматлар буенча, бер тәүлектә иң күп сөт Кукмара районында савылган, ул 237 тонна тәшкил итә. Бу узган елны шул чорына караганда, 8 процентка күбрәк. Икенче урында - Балтач районы (203 тонна), өченче урында - Әтнә районы (200,7 тонна).
Шулай ук сөт җитештерү буенча Саба, Мамадыш, Актаныш һәм Азнакай муниципаль районнары - лидерлар рәтендә. Саба районы хуҗалыкларында бер сыердан 20 кг сөт савып алалар, бу республика буенча уртача күрсәткечтән 6 кг га артык.
Фото: архив/Султан Исхаков
Бу хакта тулырак: https://tatar-inform.tatar/news/2018/12/29/178022/
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев