Коррупциягә - юк!

Узган атнада район Советының утырышлар залында коррупциягә каршы комиссиясенең чираттагы утырышы булды.

Район оешмалары җитәкчеләре әлеге законсызлыкка каршы башкарган эшләре буенча отчет бирделәр. Беренче булып район үзәк дәваханәсе баш табибы Рөстәм Сәмәрханов чыгыш ясады. Аның белдерүенчә, биредә коррупциягә каршы комиссия оештырылган. Аның утырышына эшләүче хезмәткәрләр генә түгел, яңа кабул ителгәннәре дә чакырыла, норматив актлар белән таныштыралар. Шулай ук дәваханәдә коррупциягә каршы мөрәҗәгатьләрне кабул итү өчен әрҗә эшли, электрон почта аша да кабул ителә. Рөстәм Әбрар улы белдерүенчә, әлегә андый хәбәрләр булмаган.

Утырышта районның башка оешма-предприятие җитәкчеләре чыгыш ясады. Комиссия белән җитәкчелек иткән муниципаль район башлыгы Ранис Камәртдинов коррупциягә каршы эшне дәвам итәргә дип утырышны йомгаклады.