Бүген Буада “Шевроле” юл билгесе баганасына килеп керде (фоторепортаж)

Бүген көндезге сәгать 2ләр тирәсендә шәһәрнең Вахитов һәм Ефремов урамнары чатында, светофор янында юл-транспорт һәлакәте булды. Авария ясаучыларның сүзләренә караганда, Вахитов урамыннан баручы "Шевроле" автомобиле йөртүчесе Ефремовтан чыгучы 14нче модельле автомобильне күрмәгән. Бәрелешү нәтиҗәсендә "Шевроле" кырыйга очып юл билгесе урнаштырылган баганага килеп кергән. Ундүртенченең салонында хатын-кыз да булган, ул җиңел дәрәҗәдәге тән җәрәхәтләре белән өенә озатылган. Ике машинаның да аллары тузган. Авариядә кем гаепле? Әлегә билгесез. Бу хакта нәтиҗәне соңрак, район ЮХИДИ бүлеге хезмәткәрләре мәгълүматлар биргәч, хәбәр итәчәкбез.