Буа администрациясе каршында булган хәл ачыкланды

Ул көнне ватсапта нинди генә хәбәрләр килмәде. Бу хәл турында республика сайтлары Татарстан Эчке эшләр министрлыгының матбугат хезмәтчелегенә сылтама ясап хәбәрләр яздылар. Без бу уңайдан район эчке эшләр бүлеге начальнигы Ренат Хәсәновка мөрәҗәгать иттек. Ул түбәндәге хәбәрнең дөреслеген раслап, чыннан да ТР Эчке эшләр министрлыгының матбугат хезмәтчелегеннән булуын раслады. Чынлыкта хәл түбәндәгечә була:

Район ЮХИДИ бүлекчәсе инспекторлары Космовский урамында документлар тикшерү өчен узып баручы автомобильне туктаталар. Автомобильдәге егетләр исерек булалар. Бермәлне шуларның берсе гранатага охшаш предметны – муляжны инспектор ягына ыргытмакчы була. Тик полицейскийлар бу хәлне туктатып калалар. Егетләрне барысын да тоткарлана, инцидент булган урынга саперлар чакыртыла.