Буада кеше талаган ир-ат һәм хатын-кызга карата хөкем карары чыгарылды

23 яшьлек Ю. танышының өенә килеп акча сорый. Тегесе акча бирүдән баш тарткач, аны кыйный. Шул ук көнне ул таныш хатын-кызы А. белән әлеге танышының өенә үтеп кереп, 300 сум акча алып чыгалар. Ә моңарчы А. шул ук танышның кесәсеннән 1000 сум акча урлаган була.

Шушы көннәрдә аларга карата суд булды. Ю. 4 ел сынау срогы белән 1 ел ирегеннән чикләү шарты белән 5 елга ирегеннән мәхрүм ителде. Ә А. 3 ел сынау срогы белән 1,3 ел ирегеннән чикләү шарты белән 3 елга ирегеннән мәхрүм ителде.