Буада яңа ел ялларында 10 хокук бозу очрагы булды

Алар барысы да гаиләдәге низаглар белән бәйле.
Ә декабрьдә 10 җинаять бозу очрагы теркәлде. Шуларның күбесе, гадәттәгечә, урлаулар. 5 декабрь-дә 1995 елгы ир-ат авылдашының өенә кереп, йорт кирәк-яраклары урлый. 12 декабрьдә билгесез затлар шәһәрдә, лицей-интернат каршында баланың кесә телефонын, икенчесендә авылдагы йорттан кыру станогын урлыйлар. 14 декабрьдә үзәк базарда бер хатын 10 мең сум акчадан, ике пластик картадан колак кага. Кем кулы уйнаган, әлегә билгесез. 15 декабрьдә Рус Киштәге сыер фермасыннан бозау урлыйлар. Карак шушы авылныкы. Шикәр заводы кассасында ике ялган 5 мең сумлык купюра табыла. Ялган акчаның хуҗасын эзлиләр. Шәһәр мәк-тәпләренең берсендә гардеробта кесә телефоны югала. Угрының шәхесе ачыкланмаган. 17 декабрь-дә авылдашын кыйнаган сугыш чукмарына карата җинаять эше кузгатылды. 18 декабрьдә 1992 елгы хатын-кызның автомобилен куып алып китмәкче булалар. Ләкин каракның эше "пешми". 24 декабрь көнне үзәк паркта яктырту җайланмаларын ваталар. Вандал - балигъ булмаган егет. Икенче җинаять факты шәһәрнең "Смешные цены" кибетендә теркәлә - Югары Осланда яшәүче чегән хатын-кызы 1965 елгы А.ның кесә телефонын чәлдерә.