2024 елның беренче көнендә Татарстанда һава температурасы -20 градуска кадәр түбәнәячәк
Яңа елның беренче көнендә Татарстанда болытлы һава торышы көтелә, көндез урыны белән бераз кар явачак. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
Иртән кар, җепшек кар явачак, кайбер районнарда буран көтелә. Көньяк-көнбатыштан секундына 7-12 метр тизлектә искән җил юнәлешен төньяк-көнбатышка үзгәртә, төнлә һәм иртән аның тизлеге урыны белән 17 метрга кадәр җитәргә мөмкин.
Көн дәвамында һава температурасының түбәнәюе көтелә: кичен термометрның терекөмеш баганасы -10..-15 градус, төньяк районнарда -20 градуска кадәр төшәчәк.
Татарстанлыларны шулай ук юлларда көчле бозлавык һәм кар көртләре хакында кисәтәләр.
Следите за самым важным и интересным в Telegram-каналеТатмедиа
Нет комментариев