Атна башында Татарстанда яңгыр көтелә

Көндез һава температурасы +20 градуска кадәр җитәчәк. Бу турыда Татарстан Гидрометеорология һәм әйләнә-тирә мохитне күзәтү үзәгенең матбугат хезмәте хәбәр итә.

Дүшәмбе, 11 сентябрьдә, көндез һәм төнлә урыны белән бераз яңгыр явачак. Җил төньяктан, төньяк-көнчыгыштан секундына 6-11 метр, көндез 15 метрга кадәр җитәргә мөмкин. Төнлә +6..+11 градус көтелә, көндез +15..+20 градус була.

Сишәмбе көнне шулай ук урыны белән бераз яңгыр явачак. Җил төньяк-көнчыгыштан секундына 6-11 метр тизлектә фаразлана. Төнлә һава температурасы +5..+10 градуска кадәр төшәчәк, көндез һава температурасы +16..+21 градус була.

Чәршәмбе, 13 сентябрьдә, явым-төшемнәр фаразланмый, әмма җил төньяк-көнчыгыштан секундына 3-8 метр көтелә. Төнлә +5..+10 градуска кадәр салкынайта, көндез +17..+22 градуска кадәр җылылык көтелә.