Буа гармунчылары Бик-Үти авылына кайтты (+фото)

Күптән түгел Бик-Ути авылында "Уйнагыз гармуннар" кичәсе булып узды.

Әлеге чараны оста гармунчы, мәдәният йорты җитәкчесе булып эшләгән Фаяз Хабибуллин оештырды. Кичәгә башка гармунчылар - Фәрит Садриев, Илдар Нуруллин Рәис Нәгыймуллин, Рамил Сәмигуллин, Рөстәм Вәлиуллин, Марат һәм Инсаф Сәлаховлар бер-бер артлы гармунда уйнадылар да, җырладылар да. Гармун телләренә авылның оста җырчы кызлары да кушылды.

Соңыннан Бик-Ути авыл җирлеге башлыгы Рөстәм Җәләлетдинов авылның мәдәни үсешенә зур өлеш керткән парларга - Мөнирә һәм Фаяз Хәбибуллиннарга рәхмәтләрен җиткерде һәм истәлекле бүләкләр тапшырды.