Буа районы территориясендә куе томанда бер-бер артлы ике ДТП булды

Иртәнге 6 сәгать 13 минутта Зур Фролово авылы янында өч автомобиль - "ДАФ", "ГАЗель" һәм "КамАЗ" бәрелештеләр. Һәлак булучылар юк. Тән җәрәхәтләре алган "ГАЗель" йөртүчесенә медицина ярдәме урында күрсәтелде. Ул госпитальләштерүдән баш тартты.

Ике сәгатьтән соң шуннан ерак түгел урында тагын бер юл-транспорт һәлакәте теркәлде. Монысы - хуҗасы буалы булган "ВАЗ-2115" һәм Ульяновскта яшәүче идарә иткән "NISSAN PRESAGE" катнашында. 15 модельле "Жигули" юл читенә төште, андагы хатын-кыз пассажирга урында психологик ярдәм күрсәтелде. Автомобиль йөртүчеләр зыян күрмәде.