Буа шагыйрәсе Гөлнур Айзат шигырьләрен сатмый

Интертат.ру сайты язганча, шагыйрәләрнең күбесе шигырьләрен бушка бирә икән. Андыйлар - Ландыш Габдрахманова, Ильмира Гыймаева, Гөлүсә Әхмәтҗанова һәм башкалар. Күбесе акча да эшли. Айгөл Вәлиуллина, Айдар Минһаҗев һәм башкалар. Ә менә Ләйлә Дәүләтова: Минем бәя элеккечә, үзгәрмәде - 10 мең сум, дип җавап биргән.

Җирле шагыйрә Гөлнур Айзат: Мин бушлай бирәм, башкаларны белмим. Өч композитор гына үз теләге белән 500 сум бирде. "Барс Медиа" берничә җырны 500 сумнан алган иде. Башка беркемнән алганым да, сораганым да юк. Сүзе дә, көе дә минеке булган үз җырларымны бүләк иттем.