Буалы авыл җирлекләре башлыклары бер-берсенә нигә кунакка йөри? (фоторепортаж)

Коллегаларының уңай тәҗрибәсе белән танышыр өчен. Бу максатта районда узган атнада "Чикләрсез тәҗрибә" программасы старт алды. Мондый очрашуларда шулай ук район җитәкчелеге, төрле ведомстволар җитәкчеләре һәм вәкилләре дә катнаша. Беренче тукталыш Аксу авыл җирлегендә иде, бүген Мөкерле авыл җирлеге белән таныштылар. Аңа кергән авыллардагы социаль объектларны карадылар, аларда эш барышы белән таныштылар. Соңыннан муниципаль район башлыгы Азат Җаббаров Мөкерле мәдәният йортында көнгә нәтиҗә ясады.

- Бу очрашуларның максаты авыл кешесенең ничек яшәве белән танышу, проблемаларны барлау һәм аларны хәл итү юлларын эзләү, - ди ул.