Буалылар, “Сугыш еллары фотохроникасы” архивында фото истәлекләр калдырыгыз (+фото)

Быелның апрель аеннан башлап ТР ветераннариның региональ иҗтимагый оешмасы "Бөек Ватан сугышы еллары гаилә фотохроникасы" дигән акция игълан итә. Аның кысаларында сугыш елларындагы фотографияләрнең электрон архивы тупланып, ул "ТР Милли музее"на саклауга тапшырылачак. Сугыш еллары фотохроникасы электрон архивында әлеге фотолардагы кешеләр, аның нинди вакыйга урынында булуы, фотографияне кем кулы белән тапшырылганлыгы турында кыскача комментарийлар да язылачак.

Буалылар, сез гаилә архивыгызда сакланган шундый фотоларны алып килеп, якыннарыгыз турында истәлекләрне мәңгеләштерә аласыз. Әлеге эш белән районда мәктәпләр шөгыльләнәчәк. Фотографияләр, сканерлап алынганнан соң, кире кайтарылачак.