Буаны тагын да яшелләндерү кирәк. Район башлыгы Ранис Камәртдинов агач утыртуга системалы рәвештә керешергә кирәк, диде.
Шушы көннәрдә түгәрәк өстәл артында шәһәр җитәкчелеге һәм район территориясен төзекләндерү өчен җаваплы оешма-поредприятиеләр җитәкчеләре белән шул темага эшлекле сөйләшү булды. Ранис Камәртдинов белдерүенчә, шәһәрдә агач-куаклар утыртуны тиешенчә оештыру җитми.
- Ел да яшелләндерү эшен оештырабыз. Оешма-предприятиеләр, яшәүчеләр үзләреннән зур өлеш кертәләр, әлбәттә, башкарылган хезмәтләр мактауга лаек. Әмма бу гына аз. Бигрәк тә күпкатлы йортлар ишегалларына игътибар итәргә кирәк, Анда яшеллек җитеп бетми, - ди ул.
Ранис Камәртдинов оешма-предприятиеләр коллективларын, идарәче компанияләрны һәм ТСЖларны, бигрәк тә яшәүчеләрне бу эштә актив булырга чакырды.
Нет комментариев