Конкурс: Буалы гашыйклардан иң көтелмәгән урыннарда төшкән фотолар көтәбез

14 февраль - Гашыйклар көне уңаеннан район газетасы редакциясе, аның сайты һәм "Буа дулкыннары" телерадиокомпаниясе яшь һәм олы яшьтәге гашыйклар арасында конкурс игълан итә. "Гашыйкларның көтелмәгән урыннарда фотосы" дип исемләнгән бәйгедә 18 яше тулган егет-кызлар да, ир белән хатын да, өлкән яшьтәгеләр дә катнаша алалар. Алар бүгеннән алып 10 февральгә кадәр (10 февральне дә кертеп) вакыт арасында иң кызык урыннарда парлап төшкән фоторәсемнәрен bayrakbua@mail.ru электрон почтасы аша җибәрергә тиешләр. Үзегезнең исем-фамилиягезне, телефон номерыгызны күрсәтергә һәм мәхәббәтегез тарихы турында кыскача гына язарга онытмагыз. 11-13 февральдә сезнең фотолар буенча тавыш бирү булачак. Иң күп "лайк" җыючыларны бик кызыклы, истә калырлык бүләкләр көтә. Аларны соңрак хәбәр итәчәкбез.